O’zbekistan Respublikasi’ni’n’ wo’z g’a’rezsizligin qolg’a kiritiwi ha’m
de qaraqalpaq tiline ma’mleketlik til biyliginin’ beriliwi qaraqalpaq tilinin’
ha’m woni’ izertleytug’i’n qaraqalpaq til biliminin’ rawajlani’wi’na ken’
mu’mkinshilikler ashi’p berdi.
O’zbekistan Respublikasi’ Prezidenti I.A.Karimov aytqanday: «Wo’zlikti
an’law, milliy sana ha’m woy-pikirdin’ ko’rinisi, a’wladlar wortasi’ndag’i’
ruwxi’y baylani’s til arqali’ ko’rinetug’i’nli’g’i’ ma’lim. Barli’q iygilikli
pazi’yletler insan qa’lbine, yen’ a’weli ana ha’yyiwi, ana tilinin’ ta’kirarlanbas
go’zzalli’g’i’ menen sin’edi. Ana tili – bul millettin’ ruwxi’»1
. Prezidentimiz
ta’repinen ayti’lg’an bul pikirde tildin’ adam wo’mirindegi, ja’miyettegi tutqan
worni’, woni’n’ atqaratug’i’n xi’zmeti ani’q ashi’p berilgen.