Sh.Seytov shi’g’armalari’nda awi’zeki so’ylew tiline ta’n birliklerdin’ stillik qollani’li’wi’

.G’a’rezsizlik da’wirindegi ha’r bir a’debiy tulg’ani’n’ ha’m woni’n’ shi’g’armalari’ni’n’ xalqi’mi’zdi’n’ ruwxi’y turmi’si’ndag’i’ tutqan worni’n ani’qlaw bizin’ aldi’mi’zda turg’an wori’nlani’wi’ tiyis a’hmiyetli ma’selelerge kiredi. Wo’ytkeni Prezidentimiz I.A.Karimovti’n’ aytqani’nday: «Insandi’, woni’n’ ruwxi’y du’nyasi’n ashatug’i’n… bir qu’diretli qural bar, wol da bolsa so’zdin’ qu’direti, ko’rkem a’debiyat boli’p tabi’ladi’. A’debiyatti’n’ insandi’ tani’wshi’li’q dep, shayi’r ha’m jazi’wshi’lardi’n’ bolsa, insan ruwxi’ni’n’ injenerleri dep ta’riypleniwi biykarg’a yemes, a’lbette. …Yeger biz Wo’zbekstani’mi’zdi’ du’nyag’a tani’tpaqshi’, woni’n’ a’yyemgi tariyxi’ ha’m jarqi’n keleshegin uli’g’law, woni’ a’wladlar yadi’nda ma’n’gilik saqlamaqshi’ bolsaq, yen’ da’slep ulli’ jazi’wshi’lardi’, ulli’ shayi’rlardi’, ulli’ do’retiwshilerdi ta’rbiyalawi’mi’z kerek. Nege degende, ulli’ jazi’wshi’ Sholpanni’n’ aytqani’nday, a’debiyat jasasa – millet jasaydi’»