Ha’r qanday xizmet tu’ri siyaqli oqitiwshi miyneti de og’an aldinnan tayarlaniw ha’m rejelestiriwdi talap etedi. Usi tayarlaniw basqishi oqitiwshinin’ tuwridan tuwri xizmet burishi bolip, oqitiwshi og’an oqiw da’stu’rlerine tiykarlanip tayarlanadi, Oqiw da’stu’ri tek g’ana oqiwshilar iyelewi za’ru’r bilim ha’m ko’nlikpeler shen’berinde shegaralanip qalmastan, ha’r bir temani u’yreniw ushin usinis etiletug’in oqiw saatlari mug’darin da belgileydi. Mahalliy sharayatlar, oqiwshilardin’ tayarliq da’rejesin esapqa alg’an halda ha’m ozinin’ pedagogikaliq ta’jiriybesine su’yenip, oqitiwshi ol yaki bul temani u’yreniwge ajiratilg’an saatlar mug’darin bir qansha o’zgertiriwi, sonday-aq oqiw materiyalin ha’r bir saatqa mustaqil ra’wishte bo’listirip shig’iwi mu’mkin. Bul isler oqiw jili aldinan, shinig’iwlar rejesine tiykarinan kalendar – reje du’ziletug’in da’wirde orinlanadi. Ha’r bir o’tiletug’in sabaqqa sabaq rejesi du’zip shig’iladi.