Informatika ha’m informatsiyaliq texnologiyalari pa’nin oqitiwdin’ da’stu’riy usillari, sa’wbetlesiw, lektsiya, a’meliy jumis, o’z betinshe jumis ha’m laboratoriya jumislari

Akademik litsey ha`m ka’sip - o`ner kolledjlerinde da`stu’r jeke kompyuterlerdin` da`stu’riy ta`minatin u’yreniw tiykar qilip aling`an. Sol pa’ndi u’zliksiz bilimlendiriw sistemasinin` bul basqishina kiritiliwinen maqset oqiwshilardi xabardi izlep tabiw, tan’law, jumis protsessinde ha`m turmista xabar texnologiyalari ja’rdeminde olardan paydalaniw ha`m su’wretlewge u’yretiwden ibarat. Bu’gingi ku’nde pu’tkil du’nyada informatsiya texnologiyalari (IT) ken’ ko’lemde rawajlanbaqta. Zamanago’y ja’miyet informatsiya uzatiw ko’lemi ha’m tezligi ta’repinen shegaralanbag’an pu’tkil ja’ha’n informatsiya tarmag’inan aktiv paydalaniw menen xarakterlenedi. Multimedia ha’m Internet texnologiyalarinin’ payda boliwi, ken’ tarqaliwi IT ni baylanis, ta’rbiya, ja’ha’n ja’miyetine kirip bariwi quralinda isletiw imkanin beredi. Biz en’ birinshi na’wbette ta’lim protsessinde bul texnologiyalardi qollaniwdi u’yreniwden aldin, informatsiya ha’m texnologiya so’zlerinin’ ma’nisin u’yrenip shig’iwimiz kerek