IBRAYI’M YUSUPOV SHI’G’ARMALARI’NDA ALMASI’QTI’N’ QOLLANI’LI’WI’

Qaraqalpaq a’debiyati’ni’n’ iri wa’killerinen biri Ibrayi’m Yusupov 1929-ji’li’ 5-mayda Shi’mbay rayoni’ni’n’ Azat awi’li’nda tuwi’lg’an.Wol 1949-ji’li’ Qaraqalpaq ma’mleketlik pedagogikali’q instituti’n tamamlap,usi’ institutta woqi’ti’wshi’ boli’p qaldi’ri’g’an. Ibrayi’m Yusupov XX a’sir qaraqalpaq a’debiyati’nda,a’sirese poeziya tarawi’nda klassik shayi’ri’ si’pati’nda tani’ldi’.Wol tu’rli tarawlarda xizmet yetiwine qaramastan do’retiwshilik miyneti woni’n’ wo’mir joli’ni’n’ aji’ralmas bir bo’legi boldi’.Soni’n’ na’tiyjesinde shayi’rdi’n’ da’slepki shi’g’armalari’ 1946-ji’ldan baslap ja’riyalana baslasa,birinshi poemasi’ 1949-ji’li’ jari’q ko’rdi.Al,1955-ji’li’ tun’gi’sh qosi’qlar toplami’-“Baxi’tlirikasi’” basi’li’p shi’qti’.