Талабаларга билим беришда замонавий таълим технологияларининг аҳамияти тўғрисида сўз борганда Президентимиз И.А.Каримовнинг “Ўқув жaрaёнигa янги axбoрoт вa пeдaгoгик тexнoлoгиялaрини кeнг жoрий этиш, бoлaлaримизни кoмил инсoнлaр этиб тaрбиялaшдa жoнбoзлик кўрсaтaдигaн ўқитувчи вa дoмлaлaргa эътибoримизни янaдa oшириш, қисқaчa aйтгaндa, тaълим-тaрбия тизимини сифaт жиҳaтидaн бутунлaй янги бoсқичгa кўтaриш диққaтимиз мaркaзидa бўлиши дaркoр”1 деган сўзларини таъкидлаш ўринлидир. Бу масала “Баркамол авлод йили” Давлат дастурида ҳам асосий йўналишлардан бири сифатида эътироф этилган.
Услубий қўлланмада келтирилган таълим технологияларининг ҳар бири ўзида ўқув машғулотини ўтказиш шарт-шароити тўғрисида ахборот материалларини, педагогик мақсад, вазифа ва кўзланган натижаларни, ўқув машғулотнинг режаси, ўқитишнинг усул ва воситаларини мужассамлаштирган. Шунингдек, бу ўқув машғулотининг технологик харитасини, яъни ўқитувчи ва ўқувчининг мазкур ўқув машғулотида эришадиган мақсади бўйича ҳамкорликдаги фаолиятининг босқичма-босқич таърифланишини ҳам ўз ичига олади.Мазкур ўқув-услубий қўлланма таркиби кириш, таълим технологиясининг концептуал асослари, ҳар бир мавзу бўйича маъруза ва семинар машғулотларида ўқитиш технологиясидан иборат. Маълумотлар максимал даражада умумлаштирилган ва тартибга солинган. Уларни ўзлаштириш ва ёдда сақлаб қолишни кучайтириш учун жадвал ва чизмалардан фойдаланилган.