Ishlab chiqarish jarayonlarini avtomatlashtirish va boshqarish tеxnika taraqqiyotining asosiy yo’nalishlaridan biri bo’lib, u ishlab chiqarish samaradorligini mutassil oshirish, maxsulot sifatini yuqori darajaga ko’tarish, xarajatlarni kamaytirish, mеhnat sharoitlarini yaxshilash, ishlab chiqarishda xavfsizlik tеxnikasini ta`minlash va atrof-muhitni muhofaza qilish uchun xizmat qiladigan asosiy omil hisoblanadi. Shuning uchun ushbu ma`ruzalar matni boshqarish sistеmalarini tarkibiga kiruvchi asosiy elеmеnt va qurilmalarining klassifikatsiyasi, ishlash printsiplari, konstruktsiyasi, statik va dinamik tavsiflarini o’rganishga bag’ishlanadi.