Hukumatning chorak yakunlariga bag`ishlangan yig`ilishlarida qabul qilingan Birinchi navbatdagi chora-tadbirlar dasturini va modernizatsiyalash bо`yicha tarmoq dasturlari hamda loyihalarni amalga oshirish bо`yicha tasdiqlangan tarmoq jadvallari ijrosi ta’minlanishini kо`rib chiqish va ularning bajarilishi uchun о`z vaqtida tegishli choralar kо`rish tartibini joriy etish darkor.
Ishlab chiqarilayotgan mahsulotlar sifatini boshqarish tizimlarini joriy etish, mahsulotlarning xalqaro standartlarga mosligini ta’minlash masalasi barcha korxonalarda ham hal etilgan, deb bо`lmaydi. Bu kamchilik, ayniqsa, biz uchun о`ta muhim ahamiyatga ega bо`lgan yengil sanoat, farmatsevtika va qurilish materiallari sanoati kabi iste’mol tovarlari ishlab chiqariladigan tarmoqlarga tegishlidir.
Mamlakatimizda yaratilgan ishlab chiqarish salohiyatidan foydalanish borasida ham ishga solinmagan ulkan imkoniyatlar mavjud. Biz ishlab chiqarishni yangilash va modernizatsiya qilish uchun katta mablag` sarflaymiz, kо`p miqdordagi xorijiy investitsiyalarni jalb etamiz.