O`zbekiston mustaqillikka erishgandan so`ng barcha sohalarda bo`lgani kabi qishloq xo`jaligida ham keng qamrovli islohotlar o`tkaziladi. Natijada qishloq xo`jalik mahsulotlarini ishlab chiqarish keskin ko`payib , nisbatan qisqa muddatda aholini ularga bo`lgan ehtiyojini to`la qondirishga erishiladi. Ayniqsa bunda go`za maydonlarini qisqartirilib, ularning o`rniga kuzgi don, dukkakli don, meva, sabzavot, poliz va boshqa ekinlarni yetishtirish yo`la qo`yilganligi muhim ahamiyatga ega bo`ldi. Enndigi vazifa aholi ehtiyojidan ortiqcha ishlab chiqarilgan qishloq xo`jalik mahsulotlarini nobudgarchiligiga yo`l qo`ymasdan ularni saqlash va qayta ishlashni tashkil etishdan iborat edi. Bu borada ham respublikamizda qator yutuqlarga erishildi. Qishloq xo`jalik mahsulotlarini qayta ishlaydigan 100 lab yangi korxonalar barpo etildi va mavjudlari rekonstruksiya qilindi, katta sig`imga ega sovutgichlar ishga tushirildi.