Мактабга етуклик ҳақида организмнинг турли орган ва системаларининг функционал ҳолати, антропометрик кўрсаткичлари, ақлий меҳнат қобилияти, нутқ, моторика ва диққатнинг ривожланиши ҳолати далолат беради. Шу сабабли мактабга қабул қилишда 6 ва 7 ёшли болаларни тўлиқ текширувдан ўтказиш катта аҳамиятга эга. Ишнинг мақсади. Олти ёшли болаларнинг олий пўстлоқ фаолиятини нейропсихологик тестлар ёрдамида ўрганиш орқали бошланғич синф ўқув дастурларини ўзлаштира олиш даражасини аниқлаш. 6 ва 7 ёшли болаларнинг мактабга етуклигини аниқлаш ва уларни кейинчалик ўзлашитириш даражасини аниқлаш мақсадида 100 нафар 6 ёшдаги асаб тизими хасталиклари бўлмаган амалий соғлом болалар текширувдан ўтказилди. Уларда олти ёшдаги боланинг мактабга тайёргарлик психологик даражаси варақаси ва Керн-Йирасек тести асосида олиб борилди. Болаларнинг антропометрик кўрсаткичлари, соматик касалликлари мавжудлиги баҳоланди. Ўқишнинг боланинг умумий саломатлигига, жисмоний ривожланишига таъсири, мактаб адаптациясининг бузилишлари даражаси кузатилган. Текширувдан 6 ёшли болаларнинг антропометрик кўрсаткичлари меъёрий сонлар - ±1σ оралиғида бўлиб, 81% болаларда турли соматик касалликлар - анемия (48%), нафас йўллари (23%), ошқозон-ичак тракти (32%), сийдик чиқарув йўллари (12%), ҳаракат тизими (27%) касалликлари ва рефракция аномалияси (12%) кузатилган. Нейропсихологик текширувлар натижалари 5,5-6 ёшли болаларнинг мактабга етуклик даражаси 6-6,5 ёшли болаларга нисбатан паст кўрсаткичларда бўлиб, мос равишда мактабга тайёр деб 7,9% ва 43,54%и топилди.