Mutaxassislikka kirish fanidan o’quv – uslubiy majmua

O’zbekiston bugun iqtisodiyoti jadal rivojlanib borayotgan davlatlardandir. Dunyoda global moliyaviy-iqtisodiy inqiroz hamon davom etayotgan bir paytda mamlakatimiz yalpi ichki mahsulotining o’sish sur’atlari yiliga o’rtacha 8,1 foizni tashkil etayotgani ham milliy iqtisodiyotimizning barqarorligi hamda ulkan salohiyatga ega ekanidan yorqin dalolat beradi. Prezidentimiz Islom Karimov tomonidan ishlab chiqilgan Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish kontseptsiyasi bu boradagi jarayonni yanada kuchaytirish uchun yangi, yanada keng imkoniyatlar ochib berayotir. Bugun mamlakatimizda 2,2 mingdan ortiq yengil sanoat korxonasi faoliyat ko’rsatmoqda. Ularning 280 dan ortig’i “O’zbekyengilsanoat” davlat aktsiyadorlik kompaniyasi tarkibiga kiradi. Shu bilan birga, qo’shma korxonalar soni ham ko’paymoqda. 2015 yilga mo’ljallangan yengil sanoatni rivojlantirish dasturiga muvofiq sohaga yeng zamonaviy texnologiyalar joriy etilmoqda, ishlab chiqarilayotgan mahsulot turlari har yili yigirmadan ortiq turga ko’paymoqda. Tikuvchilik sanoati oldida turgan asosiy vazifalardan biri buyumlarni yangi assortimentini yaratish, modaga muayyan yo’nalish berib borish, sifatli mahsulotlarni ko’paytirish kiradi.