Prezidentimiz Islom Karimov tomonidan ishlab chiqilgan Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish kontseptsiyasi texnologik mashinalarni yanada kuchaytirish uchun yangi, yanada keng imkoniyatlar ochib bermoqda.
Bugungi kunda respublikamizda barcha tarmoqlar jadallik bilan modernizatsiya qilinmoqda, ishlab chiqarishga eng zamonaviy texnologiyalar joriy etilmoqda. Respublikamiz viloyatlarida yangi korxonalar ishga tushirilmoqda, ularning ishlab chiqarish quvvati ortib bormoqda. Bundan tashqari, xom-ashyoni chuqur qayta ishlash hajmi oshmoqda.
Aynan tub tarkibiy o’zgarishlar, yuqori texnologiyalarga asoslangan yangi va zamonaviy korxonalarni barpo etish, faoliyat ko’rsatayotgan ishlab chiqarish quvvatlarini keng miqyosda yangilash va modernizatsiya qilish borasida puxta o’ylangan strategiya tufayli mamlakatimizning yalpi ichki mahsulotida sanoatning ulushi 1991 yildagi 14 foizdan bugungi kunda qariyb 25 foizga o’sdi.