Kasb-hunar kollеjlarida “Yengil sanoat texnologik jihozlari” fanining yangi pеdagogik tеxnologiyalarga asoslangan ta`lim tеxnologiyasini ishlab chiqish

Ta’limni texnologiyalashtirishning asosiy belgisi va afzalligi o’quv jarayoniga tizimli yondashuvning qo’llanishi, barcha o’quv holatlarini loyihalashtirish asosida o’qituvchilar va o’quvchilar faoliyatini dasturlashtirish, o’quvchilarning qo’yilgan maqsadga erishuvini ta’minlash maqsadida ta’lim jarayonini ixchamlashtirishdan iboratdir. Inson shaxsini, uning yuksak ma’naviy fazilatlarini kamol toptirish, milliy istiqlol mafkurasini shakllantirish, yosh avlodni boy madaniy merosimiz hamda tarixiy qadriyatlarimizga hurmat, e’tibor, mustaqil vatanimizga mehr-muhabbat ruhida tarbiyalash talablari oldimizga muhim vazifalarni qo’ydi [1]. Respublikamiz Prezidenti Islom Karimov ta’kidlaganidek, «Ta’lim O’zbekiston xalqi ma’naviyatiga yaratuvchilik faoliyatini baxsh etadi. O’sib kelayotgan avlodning barcha eng yaxshi imkoniyatlari unda namoyon bo’ladi, kasb-kori, mahorati uzluksiz takomillashadi, katta avlodlarning dono tajribasi anglab olinadi va yosh avlodga o’tadi» [2].