Ishlab chiqarish muhitidagi kimyoviy omillar eng asosiy negativ omillar xisoblanib, uning turlari korxonaning tabiati va undagi texnologik jarayonlarga doir aniqlanadi. Kasbiy patologiya kasalliklarining tarkibida kimyoviy moddalar ta’siriga bog`liq bo`lgan kasalliklar katta o`rinni egallaydi, biroq ularning kelib chiqish mumkinligi birinchi navbatda ishchi mintaqasi xavosining kimyoviy moddalar bilan ifloslanganlik darajasi bilan bog`liq bo`ladi. SHuning uchun vrach xavodagi zararli kimyoviy moddalar qanday xavfli ekanligini bilishi, xavo tarkibidagi ularning konsentratsiyasini tez aniqlay olishi, o`tkazilgan tekshirish natijalari bo`yicha uning xavflilik darajasini baxolay olishi va profilaktik tadbirlarni tavsiya qila olishi kerak.