Ma`lumki, dala mehnatkashlari bir umr ochiq havoda mehnat qiladilar. Dala havosi toza bo`lgani bilan, mehnat gigiyenasi qoidalariga amal qilinmasa, sog`liqqa yomon ta`sir qilishi ham mumkin.
O`zbekistonda havo harorati tez-tez, keskin o`zgarib turadi, yozda kechasi salqin (tog`li xududlarda) hatto sovuq, kunduzlari issiq, bo`ladi, bahor va kuz fasllarida ham havo keskin o`zgarib turadi. Yil fasllari va iqlimiy o`zgarishlarni hisobga olgan holda kiyinish, ishni va dam olishni to`g`ri tashkil qilish, o`z vaqtida to`g`ri ovqatlanish sog`liqni saqlashning asosiy talablaridan hisoblanadi.