Bugungi kunda mamlakatimiz qishloq xо`jaligi samaradorligini oshirish masalasi sug`oriladigan yerlarning va unumdorligini oshirish bо`yicha о`ta muhim vazifani hal etish bilan bevosita bog`liqdir.
О`zbekiston Respublikasi Prezidenti I.A.Karimov ta’kidlaganidek “Qishloq xо`jaligini isloh qilish, fermer xо`jaliklariga biriktirilgan yer uchastkalarini optimallashtirish, paxta va g`allaning xarid narxlarini oshirish bо`yicha amalga oshirilayotgan izchil ishlar natijasida iqtisodiyotimizning agrar sektorida tarkibiy sifat о`zgarishlari yuz bermoqda” .
Qishloq xо`jaligining asosiy masalasi, bu–qishloq xо`jaligida ishlab chiqarishni barqaror ishini ta’minlash va iqtisodiy samaradorligini oshirib borish asosida mamlakat aholisining oziq-ovqatga, sanoatning esa xom ashyoga bо`lgan ehtiyojini qondirishdir. Bugungi kunda aholi jon boshiga tо`g`ri keladigan oziq-ovqat mahsulotlarining yillik iste’moli 55-70 foizini tashkil qilmoqda. Chakana savdoda oziq ovqat mahsulotlari importi salmog`i 40 foizdan ziyod.