O`zbekiston respublikasi Prezidenti I. Karimov “Jahon moliyaviy-iqtisodiy inqirozi, O`zbekiston sharoitida uni bartaraf etishning yo`llari va choralari” risolasida aytganlaridek “...ishlab chiqarish infratuzilmasi, avvalom bor, avtomobil va temir yo`llarning rivojlangan tizimi, ularning samarali faoliyati ishlab chiqarishdagi umumiy xarajatlarni kamaytirishning muhim sharti va omilidir. Bu esa o`z navbatida, ishlab chiqarilayotgan mahsulot va butun iqtisodiyotimizning raqobatdoshligini oshiradi” .
Bozor iqtisodiyotiga o`tish, iqtisodiy islohotlarni chuqurlashtirish mahsulot ishlab chiqaruvchi barcha sohalarni rivojlantirish texnik-texnologik yo`nalishdagi qator zaruriy masalalarni kun tartibiga qo`ymoqda. Respublikamiz Prezidenti I.A.Karimov ta’kidlaganidek O`zbekistonning iqtisodiy hayotida transport va aloqalar tizimi hal qiluvchi o`rin tutadi. Respublikada keng tarmoqli transport tizimi barpo etilgan bo`lib, u mamlakat ichkarisida va tashqarisida yuk va passajirlar tashishni, yaqin va uzoq xorijiy davlatlar bilan iqtisodiy aloqalarni ta’minlaydi.