Respublikamiz meliorativ tizimlarida xilma-xil vazifalarni bajaruvchi gidrotexnika inshootlari barpo etiladi. Ularning tuzilish parametrlari qurilish joyining geologik va gidrogeologik shart sharoitlari, qurilish hududining iqlimi, inshoot tasarrufidagi suv o’zanining o’lchamlari va shunga o’xshash boshqa ko’rsatkichlar asosida maxsus injenerlik hisoblari boyicha tanlanadi. Har qanday gidrotexnika inshooti unga qoyiladigan texnik, funktsional, iqtisodiy talablardan tashqari badiiy-me`morchilik talablariga ham javob berishi lozim.
Ma`lumki, gidrotexnika inshootlari va nasos stantsiyalari qurilishidagi ishlarning asosiy salmog’i zamin va poydevorlarni barpo etishga to’g’ri keladi. Shu sababli zamin va poydevorlarni loyihalashda ularning birgalikda ishlashini ta’minlash, poydevorlarni konstruksiyalash va hisoblash ishlarini bajarishda zamonaviy usullardan foydalanish muhim ahamiyatga egadir.