Mavzuning dolzarbligi. Tashqi iqtisodiy aloqalar moddiy, moliyaviy va zakovat boyliklarining mamlakatlar o`rtasida almashinishining turli yo`nalishlari, shakllari va vositalarini ifodalovchi yaxlit tizimdir. Bu istalgan mamlakat iqtisodiyotidagi eng murakkab soha bo`lib, o`z rivojlanishi uchun atroflicha yondashishni taqozo etadi. O`zbekistonning siyosiy mustaqillikka erishishi va bozor munosabatlariga o`tishi, bosqichma - bosqich iqtisodiy islohotlarning amalga oshirilishi mamlakat taraqqiyotida tashqi iqtisodiy alokalarning rolini ancha ko`tardi. O`zbekiston uchun nafaqat uzok xorij, balki yaqin qo`shnilar bilan ham xo`jalik va savdo aloqalari tashqi iqtisodiy aloqalarga aylandi. Shu munosabat bilan milliy iqtisodiyotni rivojlantirishda tashqi iqtisodiy omilning ahamiyati keskin oshdi. Ayni vaqtda ayrim xo`jalik subyektlarining ham davlatning umuman tashqi iqtisodiy faoliyati mohiyati son va sifat jihatidan tubdan o`zgardi.