Çeper edebiýatyň sagdyn ösüşi, onuň ideýa-mazmunynyň güýçlüligi, estetik-emotsional täsirinin ýitiligi şol edebiýaty öwrenýän, oňa baha berýän ylmyň we tankydyň işjeňligine köp derejede bagly.Çeper edebiýat we edebi tankyt biri-birine garşy durýan düşünjeler däl.Eýsem-de bolsa olar biri-birini kepillendirýän, biri-birine goltgy berýän düşünjeler bolmak bilen birlikde, aýratyn alnan halkyň edebiýatynyň umumy garmoniki ösüş protsesini amala aşyrýar.