“Ўзбeкистoн тeмир йўллaри” Дaвлaт Aкциядoрлик Тeмир Йўл Кoмпaнияси Ўзбeкистoн Рeспубликaси Президентининг 1994 йил 7 нoябр Фармонига мувофиқ ташкил этилган. Юртбошимиз мамлакат иқтисодиётининг қон томири ҳисобланган темир йўл тармоғини халқ хўжалигининг муҳим бўғини сифатида мустақилликнинг дастлабки йиллариданоқ қўллаб келмоқда. Унинг ташаббуси билан жаҳон темир йўл тармоқлари билан бевосита ҳамкорликни йўлга қўйиш, моддий-техника базасини мустаҳкамлаш, мавжуд ички имкониятлардан самарали фойдаланиш, ҳорижий инвестицияларни тармоққа жалб қилиш, ҳаракат таркиби базасини мустаҳкамлаш сингари вазифаларни амалга ошириш учун ҳуқуқий-меъёрий базанинг яратилишига кенг йўл очиб берилди.