G’a’rezsizlik ji’llari’nda Qaraqalpaqstan xalqi’ni’n’ ja’miyetlik-siyasiy, ma’deniy ha’m socialli’q turmi’si’nda ru’whi’y qa’diriyatlar, ma’deniyat ha’m a’debiyat tarawlari’ni’n’ jan’alani’w qubi’li’slari’ a’hmiyetli wori’ndi’ iyeleydi. G’a’rezsizlik tek g’ana yelimizdin’ rawajlani’wi’na, jan’alani’wi’na wo’zgeshe bag’dar ali’wi’na sebep boli’p qalmastan, a’debiyati’mi’zdi’n’, ma’deniyati’mi’zdi’n’ rawajlani’wi’na jan’alani’p wo’siwine, buri’ng’i’ tar qa’lipten shi’g’i’p, ken’ tu’rde yerkin do’reliwine, u’yreniliwine tu’rtki boldi’. Sog’an baylani’sli’ ilim bilimlendiriw tarawi’ wo’z bag’i’ti’n wo’zgertip, bir qansha jan’alani’wlardi’ basi’nan keshirdi.