Mamlakatimizda chuqur o`zgarishlar, siyosiy va ijtimoiy-iqtisodiy hayotning barcha tomonlarini izchil isloh etish va liberallashtirish, jamiyatimizni demokratik yangilash va modernizatsiya qilish jarayonlari jadal sur`atlar bilan rivojlanib bormoqda. Avvalambor bunda, soliq tizimini yanada takomillashtirish, soliq turlarini hamda ularni hisoblash mexanizmini soddalashtirish yo`lida belgilab olingan va izchil ravishda amalga oshirilayotgan ulkan vazifalar mustahkam zamin yaratmoqda. Bu borada hozirgi kunga qadar mamlakatimizda amalga oshirilgan islohotlarning ijobiy samarasi haqida Prezidentimiz I.Karimov 2010 yilning 29 yanvarida O`zbekiston Respublikasi Vazirlar Mahkamasining 2009 yilning asosiy yakunlari va 2010 yilda O`zbekistonni ijtimoiy-iqtisodiy rivojlantirishning eng muhim ustuvor yo`nalishlariga bag`ishlangan majlisida alohida to`xtalib: "Inqirozga qarshi choralar dasturi doirasida mamlakatimizda amalga oshirilgan yana bir muhim tadbir soliq yukini yengillashtirish, soliqqa tortish tizimini soddalashtirish va unifikatsiya qilish bo`yicha xo`jalik tuzilmalarini qo`llab-quvvatlash maqsadida qo`shimcha choralar ko`rilganidir.