Темир йўл транспорти Ўзбекистон Республикаси иқтисодиётининг асосий қон томири ҳисобланади. Темир йўл транспорти корхоналари асосий фаолиятини янада ривожлантириш, хизмат кўрсатиш сифати, ҳамда даромадларни ошириш ва харажатларни камайтириш бугунги куннинг муҳим вазифаларидан биридир. Шундай экан, темир йўл транспорти корхоналарида моддий захираларни ҳисобини тўғри юритиш ва улардан самарали фойдаланиш муҳим аҳамият касб этади. Иқтисодиётни эркинлаштириш шароитида корхоналарда ишлаб чиқариш захираларидан фойдаланиш устидан назоратни кучайтириш, уларнинг оқилона сарфланишига риоя қилиш, маҳсулот таннархида моддий харажатларнинг салмоғини минималлаштириш масалаларига алоҳида эътибор берилади. Энг аввало, материалларни тўғри, тежамли сарфлаш корхона фао¬лиятини ривожлантиришда ва бу орқали мамлакат иқтисодиётини гуллаб-яшнашида, аҳолининг моддий фаровонлигини оширишда муҳим омил ҳисобланади.