Ma’lumki, mustaqillikka erishgan dastlabki yillardanoq davlatimizning birinchi prezidenti I.A.Karimov tomonidan ta’lim tizimiga katta e’tibor qaratilgan. Xususan, ta’lim tizimini tubdan isloh qilish maqsadida “Kadrlar tayyorlash milliy dasturi” ishlab chiqildi. Ushbu dasturda belgilab qo`yilgan ustuvor vazifalardan biri – yetuk salohiyatli, bilimli, boy malakaga ega mutaxassis kadrlar tayyorlashdir. Bunday kadrlar tayyorlash jarayonida turli zamonaviy pedagogik va axborot texnologiyalardan foydalanishning samarali ekanligi allaqachon o`z isbotini topdi. Ayniqsa, o`rganuvchilar mustaqil ta’limlarini samarali tashkil etish maqsadida qulay, oson o`zlashtiriluvchi, ommabop xossaga ega maxsus o`rgatuvchi dasturlar ishlab chiqilmoqda.