Vaqt doimo oldinga intiladi. Taraqqiyot ham xech qachon bir joyda tо`xtab turmagan. Ayniqsa, bugungi tezkor davrda hayotimizda kechayotgan turfa jarayonlarga nisbatan ziyrak va sergak bо`lishini taqozo etayotir. Mustakillik yillarining dastlabki kunlaridanoq yoshlarning bilim va hunar о`rganishlariga eng muxim, birinchi galdagi dolzarb masala sifatida qaraldi. Ayniqsa, "Ta’lim tо`g’risida"gi qonun va "Kadrlar tayyorlash milliy dasturi" qabul qilingach, bu boradagi ishlarda keng imkoniyat yaratildi. "Kadrlar tayyorlash milliy dasturi" [2] asosida amalga oshirilayotgan ta’lim sohasidagi islohotlarning birinchi va ikkinchi bosqichlaridagi vazifalari muvaffaqiyatli hal qilinib, uchinchi bosqichdagi о`zgarishlar davom etmoqda. Bu bosqichda о`quv-tarbiya ishlarini butunlay yangi asosda tashkil qilish orqali yuqori sifat kо`rsatkichiga erishishni talab qiladi.