O’zbekiston va Markaziy Osiyo bioxilma xilligini namoyon etuvchi noyob va yo’qolib ketish xavfi ostidagi turlarni saqlash va ko’paytirish, ularni tabiiy sharoitlarga introduktsiya qilish, ilmiy izlanishlar uchun ularni saqlash yo’llari va kelajakda ulardan barqaror foydalanish maqsadlarni o’z ichiga oladi. O’zbekistonda Madaniyat va Sport Vazirligi ixtiyoridagi ikkita hayvonot bog’i (Toshkentda va Termizda) bor. Toshkent hayvonot bog’ining (1924 y.dan beri faoliyat yuritadi) asosiy yo’nalishi – noyob va yo’qolib ketayotgan hayvon turlarining tirik kollektsiyalarini yaratish, ularni sun’iy ko’paytirish, respublika hayvonot olamini muhofaza qilishni targ’ibot qilish. Hozirgi paytda Toshkent hayvonot bog’ining kolleksiyasi 124 hayvon turidan tashkil topgan.