Globallashuv sharoitida diniy soha rivojlanishining о`ziga xos xususiyatlarini tadqiq etish muhim nazariy va amaliy ahamiyat kasb etadi. Tezkorlik, ochiqlik, erkinlik tamoyillariga asoslangan integratsiya jarayonlarining chuqurlashishi, о`z navbatida, jamiyat barcha sohalarining shiddat bilan rivojlanishiga keng yо`l ochmoqda. Biroq, shunday bо`lsa-da, hozirgi davr umumbashariy ahamiyatga molik jiddiy muammolarning chuqurlashib borayotgani bilan ham о`ziga xos jihatga ega bо`lib, «Jahonning turli nuqtalarida hamon davom etayotgan urushlar va qarama-qarshiliklar saqlanib qolayotgani, davlatlararo, millatlararo va dinlararo ziddiyatlar, Mingyillik rivojlanish deklaratsiyasida ta’kidlanganidek, qashshoqlik, ochlik, onalar va bolalar о`limi, epidemiyalar va insoniyatning boshqa muammolariga qarshi kurash borasidagi eng jiddiy tо`siqlar bо`lib qolmoqda» . Bir tomondan yangi tashkil topgan davlatlardagi milliy va diniy о`zlikni anglash jarayonlari kechayotgan bо`lsa, ikkinchi tomondan, madaniyatlararo о`zaro ta’sirlashish kuchayib, jamiyat sohalari doirasida global yaxlitlashish tendensiyasi vujudga kelmoqda. Ayni paytda, turli siyosiy kuchlar tomonidan diniy omildan g`arazli maqsadlar yо`lida foydalanishning yangi usul va vositalarining qо`llanilishi diniy ekstremizm, xalqaro terrorizm muammolarining chuqurlashib borishiga olib kelmoqda. Mavzuning dolzarbligi globallashuv sharoitida kо`p konfessiyali О`zbekistonning global diniy makonda tutgan о`rni va unga ta’sir etuvchi obyektiv va subyektiv omillarni aniqlash zaruriyati bilan bog`liq.