Turizmning jahon xo’jaligi tizimidagi o’rni mavqei oshib, asosiy makroiqtisodiy tarmoqlar bilan bir qatorda rivojlanib bormoqda.U dunyodagi ko’pgina davlatlar iqtisodiyotining muhim daromad manbai xisoblanadi.Shu jihatdan O’zbekistonda ham mazkur sohaga e’tiborni kuchaytirish ustivor vazifalardan biri hisoblanadi.
O’zbekiston Respublikasi mustaqilligini qo’lgakiritganidan so’ng xo’jalikning barcha tarmoqlarida tub islohotlar amalga oshirildi.Shu o’rinda aytib o’tish mumkinki, turizmni rivojlantirishda ham davlat tomonidan katta e’tibor qaratilib kelinmoqda. Jumladan, Respublika Prezidenti I.Karimov o’zining asarlarida va amaliy faoliyatida ulug’ ajdodlarimiz qoldirgan boy tarixni, qadamjolarni, qabrlarni va shu davrlarda qurilgan tarixiy obidalarni hamda ular yashagan zaminni ko’rish butun dunyo sayyohlarining azaliy orzusi ekanligini takidlaydi .
Turizm sohasini rivojlantirishva takomillashtirish milliy va mintaqaviy iqtisodiyotni mustahkamlashda muhim ahamiyatga ega hisoblanadi. Shu bois, mustaqillik yillarida mazkur tarmoqni yuksaltirish uchun ko’pgina amaliy ishlar amalga oshirildi.Chunonchi, “O’zbekturizm” Milliy kompaniyasi tashkil etildi hamda qisqa davr mobaynida respublikamiz Butunjahon turistik tashkilotiga (BTT)ga a’zo bo’ldi.
Biroq, shunga qaramasdan, turizm mintaqalarda yaxshi rivojlanmagan va mavjud imkoniyatlardan to’laligicha foydalanilmayotgan jihatlar kop. Shularni inobatga olgan holda O’zbekistonda turizmni yuksaltirish uchun turistik obyektlarning mintaqadagi imkoniyatlarini tadqiq etish, jumladan, tarixiy obidalar, arxitektura yodgorliklari, diniy qadamjolar, ziyoratgohlar, tabiiy (landshaft) va rekreatsiya resurslaridan to’g’ri va samarali foydalanish yo’llarini ilmiy asosda o’rganish va tegishli amaliy tavsiyalarni ishlab chiqish katta ahamiyatga ega.