O’zbekiston Mustaqil Respublika deb e`lon qilinganidan so’ng davlatimiz oldida bir qator dolzarb vazifalar turar edi. Bulardan biri, haqqoniy tariximizni qayta tiklash va o’sib kelayotgan yosh avlodda tarixiy ong va xotirani shakllantirishdan iborat edi. Istiqlol yillarida mamlakat mustaqilligini mustahkamlash, uning hududida barqarorlikni taminlash asosiy vazifa sifatida hamisha hukumatimizning diqqat e’tiborida bo’lgan. Bu masala Oliy Majlisning 1995-yil 24-fevraldagi birinchi sessiyasida prezident Islom Karimov tomonidan aniq va batafsil yoritib berildi. Unda jahonda yuz bergan yangi siyosiy-iqtisodiy voqelikdan so’ng, O’zbekiston o’z taraqqiyot yo’li va yangicha yondashish zarurligini asoslab berdi. Davlatimiz rahbari I.A.Karimovning quyidagi so’zlari diqqatga molik: ,,Millatimiz tarixi haqidagi haqiqat yurtimizning fidoyi, maslagidan, so’zidan qaytmaydigan farzandlariga ochilishi lozim. Bilishimiz shart bo’lgan sahifalarni qunt bilan varaqlash hammamiz uchun ham qarz, ham farz.”