Ýakyn hem Orta Aziýada, Hindistanda ýaşaýan ençeme şahyrana halklar
dünýä edebiýatynyň genji- hazynasyna folklor hem-de edebi eserleriň ýüzlerçe
ajaýyp nusgalaryny berdiler. Şolara mysal edip, dürli halklara degişli bolan
«Mahabharata», «Ramaýana», «Kalila we Dimna», «Oguznama», «Antara»,
«Görogly», «Alpamyş», «Manas» eposlary, «Müň bir gije» hem şol tipdäki
ertekiler toplumlaryny, onlarça meşhur halk dessanlaryny agzamak bolar.