Ўзбекистон Республикаси мустақилликка эришганлигининг дастлабки даврлариданоқ жаўн тараққиётида муҳим ўринга эга миллий маънавиятимиз асосида келажаги буюк давлатни барпо этиш- бош мақсад этиб белгиланди. Ушбу буюк мақсадга эришишда асосий эътибор ёш авлодни баркамол, маънавий ва жисмонан соғлом, юқори малакали касб эгаси қилиб тарбиялашга қаратилганлиги миллий анъаналаримиз, менталитетимизнинг ўзига хос ифодаланишидир. Бош қомусимиз бўлган Ўзбекистон республикаси конституциясида “ҳар кимга илмий ва техникавий ижод эркинлиги, маданият ютуқларидан фойдаланиш ҳуқуқи кафолатланади. Давлат жамиятнинг маданий, илмий ва техникавий ривожланишига ғамхўрлик қилади”, деб алоҳида қайд этилганлиги эса барпо этилаётган демократик жамиятда ижодкорлик эркинлигининг гаровидир.