Ҳуқуқий тарғиботнинг фуқаролар ҳуқуқий онги ва маданиятини юксалтиришдаги роли ва аҳамиятини “Давлат ва ҳуқуқ назарияси” фани нуқтаи назаридан тадқиқ этишдан иборат. Ушбу мақсадга қуйидаги вазифаларни ҳал этиш орқали эришилади: ҳуқуқий тарғибот, ҳуқуқий онг ва ҳуқуқий маданият тушунчаларининг назарий-ҳуқуқий таҳлилини амалга ошириш; ҳуқуқий тарғибот, ҳуқуқий онг ва ҳуқуқий маданият тушунчалари ўртасидаги ўзаро нисбат масалаларини ўрганиш; ҳуқуқий онг ва ҳуқуқий маданиятни юксалтириш фуқаролик жамиятини шакллантиришнинг муҳим омили эканлигини кўрсатиб бериш; ҳуқуқий тарғиботни амалга ошириш механизми тушунчаси, усул ва воситалари юзасидан назария ва амалиёт материалларини умумлаштириш ва улар юзасидан муаллифлик ёндашувларини илгари суриш; ҳуқуқий тарғботни амалга оширишда юридик таълимнинг ўрни ва аҳамиятини кўрсатиб бериш; фуқароларнинг ҳуқуқий ахборотга бўлган ҳуқуқларини таъминлашнинг муҳим омили сифатида ҳуқуқий тарғиботнинг ўрни ва ролини аниқлаш; ҳуқуқий тарғиботни амалга оширишда оммавий ахборот воситаларининг ўрни ва аҳамиятини очиб бериш.