Mashhur tilshunos Nizomiddin Mahmudov ta’biri bilan aytganda, til muqaddas va muhtasham qudrat, sir-u sinoatli, noz-u nazokatli navo, millat degan birlikning tamal toshi, u boy berilsa, millat boy beriladi. Demak, milliy til – ona tili inson qavmini millat sifatida shakllanishini va bardavomligini ta’minlovchi mo`jizadir. Ona tili avlodlarni avlodlarga, davrlarni davrlarga bog`lovchi tilsimdir. Ona tili millatning birligi va borligini bosh belgisidir. Qadimiy, ko`hna va navqiron o`zbek tili – o`zbek xalqining milliy tili, ona tilisidir. Millat va jamiyat tarixiy takomilida ona tilining alohida o`rni bor. Demak, ona tili millatni mavjudligining bosh asosidir.