Давлат бошқарувини эркинлаштириш, маҳаллий ҳокимият органлари ваколатларини амалга ошириш жараёнида мазкур органлар норматив-ҳуқуқий ҳужжатларининг юридик табиатини тадқиқ этиш асосида мазкур ҳужжатлар самарадорлигини оширишга қаратилган таклиф ва тавсиялар ишлаб чиқишдан иборатдир. Диссертациянинг мақсади ва мавзунинг долзарблигидан келиб чиқиб, қуйидаги вазифаларни бажариш белгилаб олинди: Ўзбекистонда амалга оширилаётган давлат бошқарувини эркинлаштириш, маҳаллий ҳокимият органлари ваколатларини такомиллаштириш жараёнида мазкур органлар норматив-ҳуқуқий ҳужжатларининг юридик табиатини очиб бериш; маҳаллий давлат ҳокимияти органлари норматив-ҳуқуқий ҳужжатларининг миллий ҳуқуқ тизимидаги ўрнини тадқиқ этиш асосида унинг бошқа норматив-ҳуқуқий ҳужжатлар билан ўзаро муносабатини ёритиш; ушбу соҳада ривожланган хорижий мамлакатлар тажрибасини ўрганиш, бу жараёнларни миллий норма ижодкорлиги амалиётига тадбиқ этиш бўйича таклифлар тайёрлаш; маҳаллий давлат ҳокимият органларининг ваколатлари ва уни амалга ошириш механизмини тадқиқ этиш ҳамда такомиллаштириш юзасидан таклиф ва хулосалар ишлаб чиқиш.