Давлат механизмида суд ҳокимиятининг тутган ўрни ва ролини давлат ва ҳуқуқ назарияси фани нуқтаи-назаридан бугунги кун воқеликлари ва янги қонунчилик ҳужжатлари асосида тизимли, мажмуавий тадқиқ этиш ва илмий асосланган таклиф ва тавсияларни ишлаб чиқишдан иборат.
Тадқиқот вазифалари. Давлат механизмида суд ҳокимиятининг тутган ўрни ва ролини тадқиқ этиш мақсадидан келиб чиққан ҳолда, диссертацияда қуйидаги вазифалар қўйилди: суд ҳокимияти ва унинг тушуниш борасидаги энг янги илмий қарашларни умумлаштириш асосида ўз муаллифлик позициясини шакллантириш; суд ҳокимияти функцияларини, одил судлов олиб бориш тамойилларини таҳлил этиш ва шу асосда тегишли назарий хулосалар шакллантириш; давлат механизмида суд ҳокимиятининг бошқа давлат органлари билан ўзаро муносабатига оид илмий адабиётда мавжуд илмий қарашларни тизимли таҳлил этиш; суд ҳокимияти таркибига кирувчи суд органлари суд ҳужжатларининг ўзаро таъсири мувозанати масаласини тадқиқ этиш ва бу мувозанатни оптималлаштириш юзасидан таклифлар ишлаб чиқиш; адолатли ва асослантирилган суд ҳужжатлари – ҳуқуқий тартибга солиш самарадорлигини кўтаришнинг муҳим омили эканлиги асосида ушбу масала юзасидан тегишли амалий, ҳуқуқий таклифларни илгари суриш.