Тиббий йўсиндаги мажбурлов чораларини қўллаш устидан ижтимоий-ҳуқуқий назорат олиб бориш амалиётини такомиллаштириш, ушбу мажбурлов чораларининг ўзига хос хусусиятларини, жиноят-ҳуқуқий ҳамда жиноят-процессуал жиҳатларини таҳлил қилиш, ушбу мажбурлов чоралари самарадорлигини ошириш борасида юзага келаётган камчиликларни бартараф этиш юзасидан илмий тавсиялар ишлаб чиқишдан иборатдир. Тадқиқотдан кўзланган мақсадларга эришиш учун қуйидаги вазифаларни ҳал этиш зарур: тиббий йўсиндаги мажбурлов чораларини қўллаш тартибини Жиноят процессуал кодексига киритилган сўнгги ўзгартиш ва қўшимчаларни инобатга олган ҳолда ишлаб чиқиш ва такомиллаштириш; суд-психиатрия экспертизасини белгилаш вақтида суриштирув ва дастлабки тергов органларининг амалиётида учрайдиган асосий камчилик ва хатоларини аниқлаш, бунда руҳий касалликка учраган шахсларнинг ҳуқуқларини бузилишининг олдини олиш масаласига алоҳида эътибор қаратиш; ижтимоий ҳавфли қилмиш содир этган шахснинг процессуал мақомини белгилаш, бунда унинг шахсий ҳуқуқларини кафолатлаш мақсадида процесс иштирокчиларининг ҳуқуқлари билан таъминлаш механизмини ишлаб чиқиш; бундай ишларни кўриб чиқишда жиноят суд иш юритишнинг ўзига хос принципларини амалга оширилишини таъминлаш; мавжуд қонунчилик нормаларига ўзгартириш киритиш мақсадида ўзининг таклифларини киритиш.