Ишнинг мақсади дистрибьюторлик битимларини ҳуқуқий тартибга солиш билан боғлиқ илмий-назарий ва амалий муаммоларни аниқлаш ва бу соҳадаги қонун хужжатларини такомиллаштириш бўйича таклиф ва тавсиялар ишлаб чиқишдан иборат.
Умуман олганда ушбу ишнинг мақсади-фуқаролик-ҳуқуқий битимининг бир тури сифатида дистрибьюторлик битимининг асосий хусусиятларини ёритиб бериш, дистрибьюторлик битимларининг тузилиши ва бажарилиши вақтида юзага келадиган муаммоларни ва дистрибьюторлик битимларининг назарий асосларини ишлаб чиқиш ҳамда чет эл тажрибасини ўрганган ҳолда бизнинг қонунчилигимиз билан қиёсий таҳлил этиш ҳисобланади.
Иш жараёнидаги ушбу мақсадларга эришиш учун бизга қуйидаги вазифаларни ҳал қилиш талаб қилинади:
дистрибьюторлик битимининг предметини аниқлаб олиш ва замонавий Ўзбекистон қонунчилигида мавжуд бошқа тушунчалардан фойдаланиб унинг бошқа мавжуд шартларини ёритиш;
хориж мамлакатларида дистрибьюторлик битимларининг махсус норматив-ҳуқуқий тартибга солинганлик тажрибасини ўрганиш, бундай тартибга солишнинг юзага келишнинг асосий сабабларини ўрганиш ва олинган натижалар асосида ҳуқуқни қўллаш амалиётининг самарадорлигини ошириш муҳим аҳамият касб этади.
Иш вазифалари:
Биринчидан, дистрибьюторлик битимларини тушунчаси ва ўзига хос хусусиятларини очиб бериш;
Иккинчидан, дистрибьюторлик битимларини тартибга солувчи қонун ҳужжатларини таснифлаш;
Учинчидан, дистрибьюторлик битимлари бўйича келиб чиқадиган юридик жавобгарлик чораларини илмий-назарий ва ҳуқуқий жиҳатдан таҳлил этиш, аҳамиятини кўрсатиб бериш;
Тўртинчидан ушбу соҳада қонун ҳужжатларини такомиллаштириш юзасидан таклифлар ишлаб чиқишдан иборат.