Диссертация ишининг мақсади тинтув ва олиб қўйиш ўтказишда шахс ҳуқуқлари ва қонуний манфаатларининг кафолатлари масаласини комплекс таҳлил қилишдан, унинг ўзига хос белгилари, тизимини ишлаб чиқишдан, бундай фаолият устидан суд, прокуратура ва идоравий назоратни таҳлил қилишдан, унга доир жиноят-процессуал нормаларни қўлланиш бўйича норматив-ҳуқуқий база, тергов ва суд амалиётини такомиллаштиришдан иборат.
Тадқиқот вазифалари:
тинтув ва олиб қўйиш ўтказишда шахс ҳуқуқлари ва қонуний манфаатларининг кафолатлари тизими тушунчасини таҳлил қилиш;
тинтув ва олиб қўйиш ўтказишда шахснинг ҳуқуқлари ва қонуний манфаатлари кафолатлари тизимининг ички тузилиши ва фаолиятини ўрганиш;
тинтув ўтказишда шахс ҳуқуқлари ва қонуний манфаатларининг процессуал кафолатларини ёритиш;
тинтув ва олиб қўйиш ўтказишда шахс ҳуқуқлари ва қонуний манфаатларининг процессуал кафолатларини таҳлил қилиш;
тинтув ва олиб қўйиш ўтказишда шахс ҳуқуқлари ва қонуний манфаатларини таъминлаш устидан суд ва прокурор назоратининг ўзига хос жиҳатларини ёритиш;
амалдаги жиноят-процессуал қонуни нормаларини такомиллаштириш ва суд амалиётини яхшилаш юзасидан аниқ тавсия ва таклифларни ишлаб чиқишдан иборат.