Диссертация ишининг мақсади озодликдан маҳрум қилишга муқобил бўлган жазоларни тайинлаш муаммоларини комплекс таҳлил қилиш, мазкур жазоларнинг ўзига хос хусусиятларини аниқлаш, уларга доир жиноят-ҳуқуқий нормаларни қўллаш амалиётини таҳлил қилиш, жиноят қонуни либераллаштириш шароитида муқобил жазоларнинг самарадорлигини ошириш истиқболларини белгилашдан иборат.
Тадқиқот вазифалари:
озодликдан маҳрум қилишга муқобил бўлган жазолар институтининг тушунчаси ва мазмуни ёритиш;
озодликдан маҳрум қилишга муқобил бўлган жазолар назарда тутилган жиноят қонуни нормаларининг ривожланиш тарихи таҳлил қилиш;
Ўзбекистон Республикасининг жиноят қонунида озодликдан маҳрум қилишга муқобил бўлган жазолар тизимини тавсифлаш;
озодликдан маҳрум қилишга муқобил бўлган жазоларни тайинлашнинг ўзига хос хусусиятлари аниқлаш;
озодликдан маҳрум қилиш муқобил жазоларни қўллаш самарадорлигига таъсир кўрсатувчи омилларни таҳлил қилиш;
миллий ва хорижий тажриба асосида озодликдан маҳрум қилишга муқобил бўлган жазоларни қўллашнинг самарадорлигини ошириш имкониятларини аниқлаш;
жиноят қонуни ва уни қўллаш амалиётини такомиллаштириш бўйича аниқ таклиф ва тавсиялар ишлаб чиқишдан иборат.