Тадқиқот мақсади ҳозирги Ўзбекистон шароитида ер участкаси эгаси, фойдаланувчиси, ижарачиси ва мулкдорининг ер участкаларига бўлган ҳуқуқ ва мажбуриятларини таъминлаш билан боғлиқ илмий-ҳуқуқий муаммоларни аниқлаш ва бу соҳадаги қонунчиликни такомиллаштириш бўйича таклиф ва тавсиялар ишлаб чиқишдан иборат.
Тадқиқот вазифалари:
ер участкаларига бўлган ҳуқуқ ва мажбуриятлар тушунчаси ва таснифини илмий-назарий жиҳатдан таҳлил қилиш;
соҳага оид ҳуқуқий асосларни тадқиқ қилиш;
ер участкаларига бўлган ҳуқуқ ва мажбуриятларни таъминлашнинг ерга бўлган ҳуқуқларнинг вужудга келиши, ўзгариши ва бекор бўлиши билан боғлиқлигини ўрганиш;
ер участкаларини сақлаш вазифаларини таъминлаш масалаларини ҳамда ердан фойдаланиш ҳуқуқи кафолатларининг таъминланиши масалаларини илмий-назарий, амалий жиҳатдан тадқиқ этиш;
татқиқот мавзуси доирасида ер қонунчилигини такомиллаштириш юзасидан таклифлар ишлаб чиқиш.