Тадқиқотнинг мақсади жиноят процессуал эҳтиёт чораси сифатида уй қамоғини таҳлил қилиш орқали, унинг қўлланилиш самарадорлигини оширишга қаратилган жиноят-процессуал нормаларни янада такомиллаштириш юзасидан аниқ, амалий таклифларни назарий жиҳатдан асослаш ва таьрифлашданиборат.
Ушбу мақсадга эришиш учун битирув малакавий иши доирасида қуйидаги вазифалар белгиланди: 1) эҳтиёт чораси сифатида уй қамоғининг тушунчаси ва мазмун-моҳияти ўрганиш; 2) жиноят-процессуал эҳтиёт чораларининг умумий тавсифи, эҳтиёт чораси сифатида қамоққа олиш ва уй қамоғининг ўзаро фарқли жиҳатларини таҳлил қилиш; 3) хорижий мамлакатлар жиноят процессуал қонунчилигида эҳтиёт чораси сифатида уй қамоғининг ҳуқуқий тартибга солиниши ўрганиш ва қиёсий таҳлил қилиш; 4) эҳтиёт чораси сифатида уй қамоғини қўллашнинг процессуал асослари ва шартларини назарий жиҳатдан таҳлил қилиш; 5) уй қамоғи тариқасидаги эҳтиёт чорасини қўллаш тартиби ҳамда шахсга нисбатан ўрнатиладиган тақиқлар тури ва доирасини ўрганиш; 6) уй қамоғи эҳтиёт чораси ижросини назорат қилиш масалаларига доир жиҳатларни ўрганиш;7) жиноят процессуал эҳтиёт чораси сифатида уй қамоғининг назарий ва амалий жиҳатларини таҳлил қилиш асосида шунингдек, хорижий давлатлар жиноят процессуал қонунчилигини таҳлил қилиш асосида эришилган хулосалардан келиб чиқиб, эҳтиёт чораси сифатида уй қамоғини такомиллаштириш бўйича таклиф ва тавсиялар ишлаб чиқиш.