Мавзунинг долзарблиги. Кадрлар тайёрлаш Миллий дастури ҳамда “Таълим тўғрисида”ги қонунга мувофиқ таълим босқичлари янги тизимга ўтди. Жумладан, умумтаълим мактабларидан сўнг, уч йиллик академик лицейлар ҳамда касб-ҳунар коллежлари жорий қилинди. Бу ёшларнинг фан асосларини жиддийроқ ва пухтароқ эгаллашлари учун муҳим омилдир. Айниқса, академик лицейлар бу борада алоҳида аҳамият касб этади. «Кадрлар тайёрлаш Миллий дастури»да бу борада шундай дейилади: “Академик лицей давлат таълим стандартларига мувофиқ ўрта махсус таълим беради. Ўқувчиларнинг имкониятлари ва қизиқишларини ҳисобга олган ҳолда уларнинг жадал интелектуал ривожланиши чуқур соҳалаштирилган, табақалаштирилган, касбга йўналтирилган таълим олишини таъминлайди”.