Mashinasozlik sanoatining rivojlanganlik darajasi unda ishlatilayotgan texnologik jarayonlarning samaradorligi bilan belgilanadi. Bozor iqtisodi sharoitida ishlab chiqarilayotgan mahsulotning sifatini oshirish va uning tannarxini kamaytirish tovar raqobatbardoshligini oshiradi, ishlab chiqarishning yanada rivojlanishiga va xalq faravonligini oshishiga olib keladi. Ishlab chiqarilayotgan mahsulotning sifat va tannarxi, uning konstruktsiyasini puxtaligi, ishlab chiqarish madaniyati va boshqa faktorlar qatorida ishlab chiqarish texnologyasiga ham ko’p jihatdan bog’liq. Mashinaning konstruktsiyasi avvalo xizmat vazifasini bajarishdan tashqari, texnologyasoz ham bo’lishi kerak.