Iqtisodiyotdagi o’zgarishlar tabiiyki, xo’jalik yurituvchi sub`ektlar faoliyatidagi o’zgarishlarga turtki bo’ldi va shu tufayli bu o’zgarishlarni ob`ektiv aks ettiruvchi, to’g’ri baholovchi moliyaviy va boshqaruv hisobiga ehtiyoj paydo bo’ldi. Islohotlarning izchil olib borilishi mamlakatimizda hisob tizimini xalqaro standartlariga moslashtirilishiga imkon berdi, xususan xalqaro buxgalteriya hisobi standartlariga yaqinlashtirilgan hozirgacha 24 ta milliy buxgalteriya hisobi standartlari qabul qilindi, 2004 yildan boshlab barcha xo’jalik yurituvchi sub`ektlar hisob tizimining yangi schyotlar rejasiga o’tishdi.