2013-2020 йилларда Ўзбекистон Республикасида телекоммуникация технологиялари, тармоқлари ва алоқа инфратузилмасини ривожлантириш дастурини шартли равишда яна икки дастурга бўлиш мумкин. Биринчи дастур - Ўзбекистон Республикаси телекоммуникация технологиялари, тармоқ ва алоқа инфратузилмасини ривожлантириш бўлса, иккинчи дастур – “Электрон ҳукумат” тизимининг ахборот тизимлари ва маълумотлар базаси комплексини яратиш.
Телекоммуникация технологиялари, тармоқ ва алоқа инфратузилмасини ривожлантириш дастурида кенг полосали технологиялар ёрдамида симли ва симсиз алоқани, маълумотлар узатиш ҳамда овозли трафик коммутатция марказларини янада ривожлантириш, магистрал телекоммуникация тармоқларини таъмирлаш ва кенгайтириш, мултимедиа хизматларини кўрсатиш учун зарур инфратузилмани яратиш вазифалари белгиланган.