Инсон онгига умуминсоний ғояларни сингдиришда кино санъатининг ўрни ва имкониятлари беқиёсдир. Театр, тасвирий санъат, мусиқа, адабиёт унсурларини ўзида мужассам этган экран санъати бир томондан – жамиятда кечаётган жараёнларга бадиий, фалсафий, эстетик умумлашмалар нуқтаи назаридан ёндошса, иккинчи томондан – унга хос бўлган оммавийлик бу умумлашмаларни катта-катта аудиторияларга мароқли ва таъсирчан шакл шамойилда етказиб бериш имконини яратади.