Ўғитлаш машиналарининг тури жуда кўп. Шунга қарамай улар ягона бир принципиал схема бўйича тузилган бўлиб, учта асосий қисмдан иборат: ўғит сақланадиган сиғим (кузов, бункер,яшик); дозаловчи қурилма (тарелка, занжир-планкали транспортёр); сочувчи қурилма (вертикал ўқда катта тезликда айланувчи дисклар, ҳалқасимон ўтқичлар, шнеклар ва бошқалар). Шулардан тарелкали ўғит сеялкалари ва кузовли икки дискли ўғит сочгичлар кенг қўлланилади.