Ҳозирги вақтда Республикамиз, жумладан вилоятимиз енгил саноат тармоқлари жадаллик билан ривожланмоқда. Пойабзал ишлаб чиқариш саноати енгил саноатнинг асосий тармоқларидан бири ҳисобланади. Пойабзал ишлаб чиқариш корхоналарининг бичиш ва қирқиш цехларида устки ва таг деталларини қирқиш жараёнларида ПВГ-8-2-0, ПКП-10, ПКП-16, ПВГ-18-2-0 прессларида деталларни қирқиш учун ёғоч, картон, пластмасса ёки металдан тайёрланган турли хил қирқиш тахталари (ястиқлар) ишлатилади.