Ko`pchilik tajribalar shuni ko`rsatadiki, aksariyat kislota, asos va tuzlarning eritmalari osmotik bosimi, qaynash temperaturasining ortishi, muzlash temperaturasining pasayishi va eritma bug` bosimining nisbiy pasayishi ularning molyar konsentratsiyalari qiymatiga nisbatan ikki, uch va bir necha marta yuqori bo`ladi. Masalan: osh tuzi 1% li eritmasining tajribada topilgan t(muz) qiymati Raulning krioskopik qonuni formulasi bo`yicha hisoblangan qiymatdan qariyb ikki marta, MgCl2 uchun - 3 marta va Al2(SO4)3 eritmasi uchun - 5 marta katta chiqadi.